Þetta er bara rétt að byrja

Ég og Ida með gíröffunum.

Það eru 10 dagar síðan ég kom aftur heim á klakan. Til að vera alveg hreinskilin þá á ég mjög erfitt með að sætta mig við að vera komin heim aftur og hugurinn minn er ennþá staddur í Antelope park. Ég er hinsvegar búin að taka ákvörðun um það að ég mun ekki stoppa mjög lengi hérna á Íslandi og takmarkið er að vera komin aftur út til Zimbabwe áður en árið er liðið. Til þess þarf ég að vinna eins og hestur og það ætla ég mér svo sannarlega að gera. Í þetta skiptið verð ég mun betur undirbúin undir það sem koma skal heldur en ég var þegar ég fór út í byrjun desember.
Á meðan ég bíð eftir því að komast aftur til Afríku ætla ég heldur alls ekki að standa auðum höndum. Ég er seinustu daga búin að vera að gera plan um fjáröflun sem ég ætla að halda fyrir samtökin ALERT (The African Lion & Environmental Research Trust) www.lionalert.com.

Ég er þegar komin með tvær hugmyndir sem ég ætla mér að hrinda í framkvæmd.
Í fyrsta lagi ætla ég að halda góðgerðartónleika. Byrja á Akureyri og sjá hvernig gengur og aðra í Reykjavík. Í öðru lagi þá ætla ég að hjóla hringinn í krinum landið...ég er ekki að grínast. Ég, sú manneskja sem er í versta formi á öllu Íslandi, ætla að hjóla hringveginn í sumar. Þannig þið megið búa ykkur undir það að fara að sjá mig púla á spinning hjólinu næstu mánuði. Ég held að þetta sé ein mesta áskorun sem ég hef nokkurn tíman þurfa að sigrast á en með réttu hugarfari og stuðning frá góðu fólki þá virkilega trúi ég því að mér muni takast þetta.
Báðar hugmyndir eru báðar á algjöru grunnstigi og kannski mun eitthvað af þessu mistakast algjörlega en ég á mögulega eftir að fá helling af öðrum hugmyndum sem ég mun vonandi reyna að hrinda í framkvæmd líka.

Planið er að reyna að halda áfram að blogga og leyfa ykkur að fylgjast eitthvað með hvernig gegnur og leyfa ykkur að hlægja að mistökum mínum og gleðjast með mér yfir því sem mun ganga upp.

Takk í bili
- Elísabet